കല്‍പ്പറ്റ: ജില്ലാ പൊലിസ് നവംബര്‍ രï് മുതല്‍ നാല് വരെ കല്‍പ്പറ്റ പുതിയ ബസ്സ്റ്റാന്‍ഡില്‍ ജില്ലാതല ട്രാഫിക് ബോധവല്‍കരണ ക്ലാസും കെ.പി ഹരിദാസിന്റെ ഫോട്ടോ പ്രദര്‍ശനവും നടത്തും. പൊതുജനങ്ങളുടെയും ഡ്രൈവര്‍മാരുടെയുമിടയില്‍ ട്രാഫിക് അവബോധം വളര്‍ത്തുക, റോഡപകടങ്ങള്‍ കുറയ്ക്കുക, റോഡ് നിയമങ്ങള്‍ പാലിക്കാന്‍ പ്രേരിപ്പിക്കുക തുടങ്ങിയ ലക്ഷ്യത്തോടെയാണ് പരിപാടി സംഘടിപ്പിക്കുന്നത്. ചടങ്ങില്‍ ജില്ലയിലെ മികച്ച ഡ്രൈവര്‍മാര്‍, ട്രാഫിക് പൊലിസുകാര്‍ എന്നിവരെ ആദരിക്കും.
ഇന്ന് രാവിലെ 10ന് ജില്ലാ പൊലിസ് മേധാവി കെ കാര്‍ത്തിക് പരിപാടി ഉദ്ഘാടനം ചെയ്യും. നവംബര്‍ മൂന്നിന് വൈകീട്ട് മൂന്നിന് ബത്തേരി മോട്ടോര്‍ വെഹിക്കിള്‍ ഇന്‍സ്‌പെക്ടര്‍ റോണി വര്‍ഗീസ് ട്രാഫിക് ബോധവല്‍ക്കരണ ക്ലാസെടുക്കും.
നവംബര്‍ നാലിന് രാവിലെ 10ന് കല്‍പ്പറ്റ മോട്ടോര്‍ വെഹിക്കിള്‍ ഇന്‍സ്‌പെക്ടര്‍ എസ്.പി ബിജുമോന്‍ ക്ലാസെടുക്കും. നവംബര്‍ നാലിന് വൈകുന്നേരം അഞ്ചു മണിക്ക് സമാപന സമ്മേളനം നടക്കും.
സമ്മേളനം ജില്ലാ ജഡ്ജി ഡോ.ബി വിജയകുമാര്‍ ഉദ്ഘാടനം ചെയ്യും. സ്‌പെഷ്യല്‍ ബ്രാഞ്ച് ഡി.വൈ.എസ്.പി വി.ജി കുഞ്ഞന്‍ അധ്യക്ഷനായി. ജില്ലാ കലക്ടര്‍ ഡോ.ബി.എസ് തിരുമേനി അവാര്‍ഡ് ദാനം നിര്‍വഹിക്കും.