കോഴിക്കോട്: ജില്ലയില്‍ യു.ഡി.എഫിന് മികച്ച വിജയം ഉറപ്പാണെന്ന് മുസ്‌ലിം ലീഗ് ജില്ലാ പ്രസിഡന്റ് ഉമ്മര്‍ പാണ്ടികശാല. യു.ഡി.എഫിന് നിലവിലുള്ള സീറ്റിന്റെ ഇരട്ടിയിലധികം മണ്ഡലങ്ങളില്‍ വിജയം സുനിശ്ചിതമാണ്. അഞ്ചു  മണ്ഡലങ്ങളില്‍ കടുത്ത മത്സരം നടന്നു.  ഈ മണ്ഡലങ്ങളിലും വിജയ സാധ്യത ഏറെയാണ്. ഭരണച്ചുടര്‍ച്ചയ്ക്കും ജില്ലയിലെ അക്രമ രാഷ്ട്രീയത്തിനുമെതിരേയുള്ള ശക്തമായ വിധിയെഴുത്താണ് എല്ലാം സ്ഥലങ്ങളിലും പ്രകടമായത്.
രാഷ്ട്രീയ മാന്യതയുടെ എല്ലാ സീമകളും ലംഘിച്ച് യു.ഡി.എഫ് സ്ഥാനാര്‍ഥികളെ സ്വഭാവഹത്യ ചെയ്യാനും അപകീര്‍ത്തിപ്പെടുത്താനും വേണ്ടി നടത്തിയ നീചമായ മുഴുവന്‍ ശ്രമങ്ങളെയും വോട്ടര്‍മാര്‍ പുച്ഛിച്ചു  തള്ളുകയായിരുന്നുവെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു.