മാഡ്രിഡ്: ലോകത്തെ ഏറ്റവും മികച്ച ഫുട്‌ബോള്‍ അക്കാദമിയെന്ന പെരുമ ബാഴ്‌സലോണയുടെ ലാ മാസിയക്ക് നഷ്ടപ്പെട്ടതായി പുതിയ പഠനം. ചിരവൈരികളായ റയല്‍ മാഡ്രിഡിന്റെ ഫുട്‌ബോള്‍ അക്കാദമിയാണ് നിലവില്‍ ഏറ്റവും മികച്ച താരങ്ങളെ വാര്‍ത്തെടുക്കുന്നതെന്നു പഠനത്തില്‍ പറയുന്നു. ഫുട്‌ബോള്‍ നിരീക്ഷണ സൈറ്റായ സി.ഐ.ഇ.എസാണ് പഠനത്തിലൂടെ ഇക്കാര്യം വെളിപ്പെടുത്തിയത്.
യൂറോപ്പിലെ പ്രസിദ്ധമായ അഞ്ചു ലീഗുകളില്‍ ഏറ്റവും കൂടുതല്‍ ഉള്ളത് റയലിന്റെ അക്കാദമിയില്‍ നിന്നിറങ്ങിയ താരങ്ങളാണ്. റയലിന്റെ അക്കാദമിയിലൂടെ വളര്‍ന്നു വന്ന 41 താരങ്ങളാണ് മുഖ്യധാരയിലുള്ളതെങ്കില്‍ ലാ മാസിയയിലെ 37 താരങ്ങളുള്ളത്. മൂന്നാം സ്ഥാനത്ത് മാഞ്ചസ്റ്റര്‍ യുനൈറ്റഡ് നില്‍ക്കുന്നു. 34 താരങ്ങളെയാണ് മാഞ്ചസ്റ്ററിന്റെ അക്കാദമി സംഭാവന ചെയ്തത്.