താനൂര്‍: പ്രായ പൂര്‍ത്തിയാവാത്ത വിദ്യാര്‍ഥിനിയെ പീഡിപ്പിച്ചതിനു സ്‌കൂള്‍ അധ്യാപകന്‍ പിടിയില്‍. താനാളൂര്‍ കോട്ടിലപ്പീടിക സ്വദേശി മുനീബ്(39)ആണു പിടിയിലായത്. വിദ്യാര്‍ഥികളും രക്ഷിതാക്കളും ചൈല്‍ഡ് ലൈനില്‍ നല്‍കിയ പരാതിയെ തുടര്‍ന്ന് താനൂര്‍ പൊലിസ് പോക്‌സൊ വകുപ്പു പ്രകാരം പ്രതിയെ അറസ്റ്റ് ചെയ്യുകയായിരുന്നു. താനൂരിലെ കെ.പുരത്തെ എയ്ഡഡ് സ്‌കൂളിലെ അധ്യാപകനായ ഇയാള്‍ കഴിഞ്ഞ ഓണപ്പരീക്ഷക്കു ശേഷം വിദ്യാര്‍ഥിനികളെ നിരന്തരം പീഡിപ്പിക്കുകയാണെന്നു രക്ഷിതാക്കള്‍ നല്‍കിയ പരാതിയില്‍ പറയുന്നു. പീഡന വിവരം പുറത്തു വന്നതിനു ശേഷം ഒളിവിലായിരുന്ന ഇയാള്‍ കേസ് ഒതുക്കിത്തീര്‍ക്കുന്നതിനു വിദ്യാര്‍ഥിനിയുടെ ബന്ധുക്കളുമായി സമ്മര്‍ദം ചെലുത്തിയതായി വീട്ടുകാര്‍ പറഞ്ഞു. പ്രതിയെ പരപ്പനങ്ങാടി കോടതിയില്‍ ഹാജരാക്കി.