പേരാമ്പ്ര: ഉപജില്ലാ ശാസ്‌ത്രോത്സവം കൂത്താളി എ.യു.പി സ്‌കൂളില്‍ കോഴിക്കോട് മേഖലാ ശാസ്ത്ര കേന്ദ്രം വിദ്യാഭ്യാസ ഓഫിസര്‍ കെ.എം സുനില്‍ ഉദ്ഘാടനം ചെയ്തു. കുത്താളി ഗ്രാമപഞ്ചായത്ത് വൈസ് പ്രസിഡന്റ് കെ.എം പുഷ്പ അധ്യക്ഷയായി. ദേശീയ സ്‌കൗട്ട് പരമോന്നത ബഹുമതി നേടിയ ബാലചന്ദ്രന്‍ പാറച്ചോട്ടിലിനെ ജില്ലാ പഞ്ചായത്തംഗം എ.കെ ബാലന്‍ ചടങ്ങില്‍ ഉപഹാരം നല്‍കി ആദരിച്ചു. എന്‍. നിര്‍മ്മല്‍കുമാര്‍, എ.ഇ.ഒ സുനില്‍കുമാര്‍ അരീക്കാം വീട്ടില്‍, സൗഫി താഴെക്കണ്ടി, ഷിജു പുല്യോട്ട്, സി.പി പ്രേമന്‍, പി. ആബിദ, ടി.എം വത്സന്‍, വി.കെ ബാബു, കെ.എം ബാലകൃഷ്ണന്‍, മോഹന്‍ദാസ് ഓണിയില്‍, കെ.കെ ചെക്കോട്ടി, ടി.സി രാമര്‍ നമ്പ്യാര്‍, ഒ.എം രാജന്‍, സി.എന്‍ മുരളീധരമേനോന്‍, ടി. ആ നന്ദലാലു സംസാരിച്ചു.
മേളയില്‍ സെന്റ് ഫ്രാന്‍സിസ് പേരാമ്പ്രയും വാളൂര്‍ ഗവ. യു.പി സ്‌കൂളും ജേതാക്കളായി. ഹയര്‍ സെക്കന്‍ഡറി വിഭാഗത്തില്‍ നടുവണ്ണൂര്‍ എച്ച്.എസ്.എസ് വാകയാട് ഒന്നാം സ്ഥാനത്തും പേരാമ്പ്ര എച്ച്.എസ്.എസ് രണ്ടാം സ്ഥാനവും നേടി. ഹൈസ്‌കൂള്‍ വിഭാഗത്തില്‍ സെന്റ് ഫ്രാന്‍സിസ് പേരാമ്പ്ര ഒന്നാം സ്ഥാനവും പേരാമ്പ്ര ഹയര്‍ സെക്കന്‍ഡറി സ്‌കൂള്‍ രണ്ടാം സ്ഥാനത്തുമെത്തി. യു.പി വിഭാഗത്തില്‍ വാളൂര്‍ ഗവ. യു.പി സ്‌കൂള്‍ ഒന്നാം സ്ഥാനവും കോട്ടൂര്‍ എ.യു.പി രണ്ടാം സ്ഥാനവും നേടി. എല്‍.പി വിഭാഗത്തില്‍ പേരാമ്പ്ര സെന്റ് ഫ്രാന്‍സിസ് ഒന്നാം സ്ഥാനത്തും പുറ്റാട് ജി.എല്‍.പി രണ്ടാം സ്ഥാനവും നേടി. വിജയികള്‍ക്ക് പി.ടി.എ പ്രസിഡന്റ് വി.കെ ബാബു സമ്മാനവിതരണം നടത്തി.