കാരന്തൂര്‍: തൈക്കണ്ടിക്കടവിനു സമീപം കുരുവട്ടൂര്‍ പഞ്ചായത്തിലെ പുറ്റുമണ്ണില്‍താഴം പേങ്കാട്ട് ചാലില്‍ നടുക്കയത്ത് തോട് കൈയേറ്റം നാട്ടുകാര്‍ തടഞ്ഞു. പതിറ്റാണ്ടുകളായി പേങ്കാട്ട് ചാലില്‍ വയലില്‍ നിന്നും പൂനൂര്‍ പഴയിലേക്ക് വെള്ളമൊഴുകുന്ന തോട് സ്വകാര്യവ്യക്തി കൈയേറുകയായിരുന്നു. ആറു ഫൂട്ടോളം വീതിയുള്ള തോട് രണ്ടുദിവസം കൊണ്ട് നാല്‍പതോളം തൊഴിലാളികളെ ഉപയോഗിച്ച് കൈയേറി മതില്‍ കെട്ടുകയായിരുന്നു.
തോടിനു കുറുകെ സ്വകാര്യവ്യക്തികളുടെ പറമ്പിലേക്കു റോഡും നിര്‍മിച്ചിട്ടുണ്ട്. കഴിഞ്ഞദിവസം നാട്ടുകാര്‍ സംഘടിച്ചെത്തി തടയുകയും അധികൃതരെ വിവരം അറിയിക്കുകയും ചെയ്തിരുന്നു.
പ്രദേശത്തെ ഭൂമാഫിയകളാണ് ഇതിനു പിന്നിലെന്ന് നാട്ടുകാര്‍ ആരോപിച്ചു.