റിയാദ്: ഏക സിവില്‍ കോഡ് നടപ്പിലാക്കാനുള്ള കേന്ദ്ര സര്‍ക്കാര്‍ നീക്കം മതസ്വതന്ത്ര്യത്തിനു മേലുള്ള കടന്നു കയറ്റമാണെന്ന് എസ്‌കെഐസി ബല്‍ജുറഷി യൂണിറ്റ് കമ്മിറ്റി അറിപ്രായപ്പെട്ടു.

നവംബര്‍ നാലിന് മലപ്പുറത്ത് നടക്കുന്ന ശരീഅത്ത് സംരക്ഷണ സമ്മേളനത്തിന് യോഗം ഐക്യ ദാര്‍ഡ്യം പ്രകടിപ്പിച്ചു.

കാന്തപുരം വിഭാഗം എസ് വൈ എസ് 60-ാം വാര്‍ഷിക സമ്മേളന വളണ്ടിയര്‍ ക്യാപ്റ്റന്‍, പുളിക്കല്‍ പഞ്ചായത്ത് എസ് എസ് എസ് , എസ് വൈസ് പ്രസിഡന്റ്, സിക്രട്ടറി സ്ഥാനങ്ങള്‍, ശഅറേ മുബാറക്, മര്‍കസ് സമ്മേളനങ്ങളുടെ വളണ്ടിയര്‍ ക്യാപ്റ്റന്‍ എന്നീ നിലകളില്‍ പ്രവര്‍ത്തിച്ച് ഒടുവില്‍ സമസ്തയിലേക്ക് കടന്നു വന്ന കൊണ്ടോട്ടി പുളിക്കല്‍ ഷംസുദ്ദീന്‍ മുസ്‌ല്യാര്‍ക്ക് യോഗം സ്വീകരണം നല്‍കി. എസ് കെ ഐ സി മെംബര്‍ഷിപ് ഇദ്ദേഹത്തിന് കൈമാറി മുഹമ്മദ് ദാരിമി തുവ്വൂര്‍ മെംബര്‍ഷിപ്പ് ക്യാംപയിന്‍ ഉദ്ഘാടനം ചെയ്തു.

യോഗത്തില്‍ എസ് കെ ഐ സി ബല്‍ജുറഷി ഏരിയ കമ്മിറ്റിക്ക് രൂപം നല്‍കി.  മുഹമ്മദ് ദാരിമി തുവ്വൂര്‍ (ചെയര്‍മാന്‍), ഷംസുദ്ദീന്‍ മുസ്‌ല്യാര്‍ പുളിക്കല്‍ (പ്രസിഡന്റ്), നജ്മുദ്ദീന്‍ അസ്ലമി ആലപ്പുഴ, ഹനീഫ അരക്കുപറമ്പ് (വൈസ് പ്രസിഡന്റമാര്‍), സ്വലാഹുദ്ദീന്‍ ചോക്കാട് (ജന: സിക്രട്ടറി), റഷീദ് പി കെ എം, അബ്ദുല്‍ ഹകീം അലനല്ലൂര്‍ (ജോ: സിക്രട്ടറിമാര്‍), കെ വി ഷാഫി നടുവണ്ണൂര്‍ (ട്രഷറര്‍) എന്നിവരാണ് പുതിയ ഭാരവാഹികള്‍.