തേഞ്ഞിപ്പലം: ചേളാരി വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ സമ്പൂര്‍ണ പൂര്‍വവിദ്യാര്‍ഥി സംഗമം 'ഓര്‍മക്കൂട്ടിലേക്ക്  ഹൃദയപൂര്‍വം'ഇന്നു രാവിലെ 10ന് മന്ത്രി കെ.ടി ജലീല്‍ ഉദ്ഘാടനം ചെയ്യും. അബ്ദുല്‍ വഹാബ് എം.പി, പി. അബ്ദുല്‍ ഹമീദ് എം.എല്‍.എ, എ.പി അനില്‍കുമാര്‍ എം.എല്‍.എ സംബന്ധിക്കും.
പൂര്‍വകാല അധ്യാപകര്‍ക്കുള്ള  ആദരവും ഉപഹാര സമര്‍പ്പണവും ജില്ലാ കലക്ടര്‍ എ. ഷൈനാമോള്‍ നിര്‍വഹിക്കും. സമാപന സമ്മേളനം സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. വിദ്യാര്‍ഥികളുടെ കലാപരിപാടി നടന്‍ ജാഫര്‍ ഇടുക്കി ഉദ്ഘാടനം ചെയ്യും.
വാര്‍ത്താസമ്മേളനത്തില്‍  എം.എ ഖാദര്‍, എ.പി അബ്ദുല്‍ വഹാബ്, പി. പ്രിന്‍സ്‌കുമാര്‍, പി.ടി.എ പ്രസിഡന്റ് കെ. ഗോവിന്ദന്‍കുട്ടി, ടി.എന്‍ മുരളി പങ്കെടുത്തു.