ആലുവ: ദേശീയപാതയില്‍ അപകടങ്ങള്‍ പതിവായ സെമിനാരിപ്പടി കവലയില്‍യില്‍ ട്രാഫിക്  സിഗ്‌നല്‍ ലെറ്റുകള്‍ സ്ഥാപിച്ചു. അപകടങ്ങള്‍ പതിവായിരുന്ന ഇവിടെ സിഗ്‌നല്‍ സ്ഥാപിക്കണമെന്ന ഒന്നാം വാര്‍ഡ് നിവാസികളുടെയും ഹോളിഗോസ്റ്റ് കോണ്‍ വെന്റിലെയും, യു.സി.കോളിലെ വിദ്യാര്‍ത്ഥികളുടെയും മംഗലപ്പുഴ സെമിനാരിയിലെ വൈദീക വിദ്യാര്‍ഥികളുടെയും നിരന്തര ആവശ്യമായിരുന്നു മംഗലപ്പുഴ സെമിനാരിപ്പടിയില്‍ ട്രാഫിക് സംവിധാനം വേണമെന്നത്. ഇവിടെ വര്‍ധിച്ചു വരുന്ന അപകടങ്ങളും, കാല്‍നട യാത്രക്കാര്‍ക്കും, ചെറു വാഹനങ്ങള്‍ക്കും റോഡ് മുറിച്ചു കടക്കാന്‍ ഉണ്ടാക്കുന്ന ബുദ്ധിമുട്ട് ചൂണ്ടിക്കാട്ടി പൊതുപ്രവര്‍ത്തകനായ സോണി സെബാസ്റ്റ്യന്‍ മനുഷ്യവകാശ കമ്മീഷനു പരാതി സമര്‍പ്പിച്ചിരുന്നു. കൂടാതെ വാര്‍ഡ് കൗണ്‍സിലര്‍ ലീനാ ജോര്‍ജ്ജും സിഗ്‌നല്‍ സംവിധാനത്തിനായി ദേശീയപാത അധികൃതരേ സമീപിച്ചിരുന്നു.
 സര്‍ക്കാര്‍ ചെലവുകള്‍ ഒന്നും തന്നെ ഇല്ലാത്തെ സ്‌പോണ്‍സര്‍ഷിപ്പില്‍ ട്രാഫിക് സംവിധാനം ഒരുക്കാന്‍ വാര്‍ഡ് കൗണ്‍സിലര്‍ ,റിട്ട. എസ്.പി. പി.എസ്.സോമരാജന്‍, യു.സി.കോളേജ് പ്രിന്‍സിപ്പാള്‍ ഡോ.പി.തോമസ് മാത്യു, റിട്ട.കോണല്‍. സി.ജെ.ജോര്‍ജ്ജ്, മംഗലപ്പുഴ സെമിനാരി റെക്ടര്‍ തുടങ്ങിയവര്‍ സംയുക്തമായി ജില്ല്‌ല പോലീസ് മേധാവിയ്ക്ക് നിവേദം സമര്‍പ്പിക്കുകയും ചെയ്തു. ഇതെ തുടര്‍ന്ന് എസ്.പി പ്രത്യേക ഓര്‍ഡര്‍ പ്രകാരം ആക്‌സിസ് ടെക്‌നോളജി എന്ന സ്ഥാപനത്തിനു സിഗ്‌നല്‍ സംവിധാനം ഒരുക്കുന്നതിനുള്ള അനുവാദം നല്‍ കുകയായിരുന്നു.
 ട്രാഫിക് സംവിധാനത്തിന്റെ സ്വിച്ച് ഓണ്‍ കര്‍മ്മം ജില്ല പോലീസ് മേധാവി പി.എന്‍.ഉണ്ണിരാജന്‍ നിര്‍വ്വഹിച്ചു. നഗരസഭ ചെയര്‍പേഴ്‌സണ്‍ ലിസി എബ്രാഹം, വൈസ് ചെയര്‍പേഴ്‌സണ്‍ സി.ഓമന, എം.എന്‍.ഗോപി. സമദ് പുത്തന്‍പുരയില്‍,, ആക്‌സിസ് ടെക്‌നോളജീസ് എം.ഡി റാഫേല്‍ സുനില്‍, കൗണ്‍സിലര്‍മാര്‍ തുടങ്ങിയവര്‍ പങ്കെടുത്തു.