വണ്ടൂര്‍: വടപുറം പട്ടിക്കാട് സംസ്ഥാന പാതയില്‍ ചെറുകോട് താടിവളവില്‍ ലോറിയും കാറും കൂട്ടിയിടിച്ച് അപകടം. രണ്ടു പേര്‍ക്കു പരുക്കേറ്റു. കാര്‍ യാത്രക്കാരായ അബ്ദുള്‍ മനാഫ്, അസ്‌കര്‍ എന്നിവര്‍ക്കാണു പരുക്കേറ്റത്. ശനിയാഴ്ചയായിരുന്നു അപകടം. എറണാകുളത്തുനിന്നും വണ്ടൂരിലേക്കു വരികയായിരുന്ന കാറും എതിരെ വരികയായിരുന്ന ലോറിയും കൂട്ടിയിടിച്ചാണ് അപകടം ഉണ്ടായത്. പരുക്കേറ്റവരെ ആദ്യ വണ്ടൂര്‍ നിംസ് ആശുപത്രിയിലും പിന്നീട് പെരിന്തല്‍മണ്ണയിലെ ആശുപത്രിയിലും പ്രവേശിപ്പിച്ചു. അപകടത്തില്‍ കാറിന്റെ മുന്‍ഭാഗം പൂര്‍ണമായും തകര്‍ന്നു.