കല്‍പ്പറ്റ: വയനാട് ജില്ലാ പൊലിസിന്റെ നേതൃത്വത്തില്‍ കല്‍പ്പറ്റയില്‍ നടന്ന ജില്ലാതല ട്രാഫിക് ബോധവല്‍കരണ പരിപാടി സമാപിച്ചു. പൊതുജനപങ്കാളിത്തം കൊണ്ട് ശ്രദ്ധേയമായിരുന്നു പരിപാടി. പുതിയ ബസ് സ്റ്റാന്‍ഡിലെ ഓപ്പണ്‍ ഓഡിറ്റോറിയത്തിലായിരുന്നു വേദി ഒരുക്കിയിരുന്നത്. കെ.പി ഹരിദാസിന്റെ ചിത്രങ്ങളുടെ പ്രദര്‍ശനവും സംഘടിപ്പിച്ചിരുന്നു. സമാപന സമ്മേളനം ജില്ലാ സെഷന്‍സ് ജഡ്ജ് ഡോ.ബി വിജയകുമാര്‍ ഉദ്ഘാടനം ചെയ്തു. സ്‌പെഷ്യല്‍ ബ്രാഞ്ച് ഡി.വൈ.എസ്.പി വി.ജി കുഞ്ഞന്‍ അധ്യക്ഷനായി. ജില്ലാ കലക്ടര്‍ ഡോ.ബി.എസ് തിരുമേനി അവാര്‍ഡ് ദാനം നടത്തി. ജില്ലാ പൊലിസ് മേധാവി കെ കാര്‍ത്തിക് മുഖ്യപ്രഭാഷണം നടത്തി. നര്‍ക്കോട്ടിക് സെല്‍ ഡി.വൈ.എസ്.പി കെ.സി ഹരിഹരന്‍, കെ.കെ അബ്ദുല്‍ ഷെരീഫ്, കെ സുഗതന്‍, പി.പി ആലി, സി മൊയ്തീന്‍കുട്ടി, ജെയിംസ് ജോര്‍ജ്ജ് എന്നിവര്‍ സംസാരിച്ചു.