മൊഗാദിഷു: സൊമാലിയയില്‍ കാര്‍ ബോംബ് സ്‌ഫോടനത്തില്‍ മൂന്ന് പേര്‍ കൊല്ലപ്പെട്ടു. തലസ്ഥാനമായ മൊഗാദിഷുവിലാണ് സ്‌ഫോടനം. സൊമാലിയന്‍ പാര്‍ലമെന്റിന് സമീപമാണ് സ്‌ഫോടനമുണ്ടായിരിക്കുന്നത്. സ്‌ഫോടനത്തില്‍ അഞ്ചു പേര്‍ക്ക് പരുക്കേറ്റു. കാറിലെത്തിയ ചാവേര്‍ പാര്‍ലമെന്റിനടുത്ത് എത്തിയപ്പോള്‍ സ്വയം പൊട്ടിത്തെറിക്കുകയായിരുന്നു. ആക്രമണത്തിന്റെ ഉത്തരവാദിത്തം അല്‍ഷബാബ് ഏറ്റെടുത്തു.