തിരുവനന്തപുരം: പ്രമുഖ സര്‍ജിക്കല്‍ ഗ്യാസ്‌ട്രോ എന്ററോളജിസ്റ്റും ലാപ്പറോസ്‌കോപ്പിക് ക്യാന്‍സര്‍ സര്‍ജനുമായ ഡോ. ബൈജു സേനാധിപന് രാജ്യാന്തര അംഗീകാരം. അമേരിക്കയിലെ ഗ്യാസ്‌ട്രോ ഇന്റസ്‌റ്റൈനല്‍ ആന്‍ഡ് എന്‍ഡോസ്‌കോപ്പിക് സര്‍ജന്മാരുടെ ഉന്നതസമിതിയായ സെയ്ജസ് അംഗത്വത്തിന് ഡോ. ബൈജു സേനാധിപന്‍ തെരഞ്ഞെടുക്കപ്പെട്ടു. ഇതാദ്യമായാണ് സൊസൈറ്റി ഓഫ് അമേരിക്കന്‍ ഇന്റസ്‌റ്റൈനല്‍ ആന്‍ഡ് എന്‍ഡോസ്‌കോപ്പിക് സര്‍ജന്‍സിന്റെ ഈ അംഗീകാരത്തിന് ഒരു മലയാളി അര്‍ഹനാകുന്നത്. 2017 ഏപ്രില്‍ മൂന്നിന് തിരുവനന്തപുരം വിവാന്റ താജില്‍ ചേരുന്ന ഗ്യാസ്‌ട്രോ ഇന്റസ്‌സ്‌റ്റൈനല്‍ സര്‍ജന്മാരുടെ രാജ്യാന്തര സമ്മേളനത്തില്‍ ഫ്‌ളോറിഡ ക്ലീവ്‌ലാന്‍ഡ് ക്ലിനിക് ഡൈജസ്റ്റീവ് ഡീസീസ് സെന്റര്‍ ഡയറക്ടര്‍ ഡോ. സ്റ്റീവന്‍ വെക്‌സ്‌നര്‍ ബഹുമതി സമ്മാനിക്കും.