തൊടുപുഴ : കത്തോലിക്കാ കോണ്‍ഗ്രസ്സ് കോതമംഗലം രൂപതാ കമ്മറ്റിയുടെ ആഭിമുഖ്യത്തില്‍ രൂപതയിലെ പത്ത് നവ വൈദികര്‍ക്ക് ഇന്ന് സ്വീകരണം നല്‍കും. വൈകുന്നേരം 4.30 ന് മാറിക സെന്റ് ജോസഫ് ഫൊറോന പള്ളിയില്‍ സമൂഹബലി, തുടര്‍ന്ന് പാരിഷ്ഹാളില്‍ ചേരുന്ന സ്വീകരണ സമ്മേളനം രൂപതാ വികാരി ജനറാള്‍ മോണ്‍. ജോര്‍ജ്ജ് ഒലിയപ്പുറം ഉദ്ഘാടനം ചെയ്യും.
രൂപതാ പ്രസിഡന്റ് ഐപ്പച്ചന്‍ തടിക്കാട്ട് അധ്യക്ഷത വഹിക്കും. കേന്ദ്ര ജനറല്‍ സെക്രട്ടറി അഡ്വ.ബിജു പറയന്നിലം, ഫൊറോന പള്ളി വികാരി ഫാ.ജെയിംസ് വരാരപ്പിള്ളില്‍, ഫാ.ജോണ്‍ വടക്കന്‍, ജോണ്‍ മുണ്ടന്‍കാവില്‍, മാത്യു മലേക്കുടി, ജോസ് പുതിയേടം, മാത്യു വെച്ചൂര്‍, സി ജെ അഗസ്റ്റിന്‍ ചെട്ടിപ്പറമ്പില്‍, തോമസ് കുണിഞ്ഞി, ജോസഫ് എടപ്പഴത്തില്‍, ജോണ്‍ വാഴയില്‍, ജോസഫ് മൂലശ്ശേരി, ജോയി കണ്ടത്തിന്‍കര സംസാരിക്കും.