പെരുമ്പാവൂര്‍: യാത്രക്കാരുടെ ജീവന് ഭീഷണിയായി മാറിയിരിക്കുന്ന പോഞ്ഞാശ്ശേരി, ചിത്രപുഴ റോഡിലെ മിനികവലയ്ക്കു സമീപവും മറ്റുഭാഗങ്ങളിലുമുള്ള നിരവധി കുഴികള്‍ അടച്ച് ഗതാഗതയോഗ്യമാക്കണമെന്നാവശ്യം ശക്തം. കെ.എസ്.ടി.പി, പി.ഡബ്ല്യു.ഡി ഡിപ്പാര്‍ട്ട്‌മെന്റുകളുടേയും ജനപ്രതിനിധികളുടേയും ശ്രദ്ധയില്‍പ്പെടുത്തിയിട്ടും യാതൊരു നടപടിയും ഉണ്ടായിട്ടില്ലെന്നും നാട്ടുകാര്‍ പറയുന്നു.
വിഷയങ്ങള്‍ ഉന്നയിച്ച് വെസ്റ്റ് വെങ്ങോല മുസ്‌ലിംലീഗ്, എന്‍.സി.പി പ്രവര്‍ത്തകര്‍ നാളെ രാവിലെ ഒമ്പത് മണിക്ക് തേര്‍മല ഭാഗത്ത് പോഞ്ഞാശ്ശരി, ചിത്രപുഴ റോഡുകള്‍ ഉപരോധിക്കും. എന്‍.സി.പി ജില്ലാ പ്രസിഡന്റ് ടി.പി അബ്ദുള്‍ അസീസ്, മുസ്‌ലിംലീഗ് നിയോജക മണ്ഡലം പ്രസിഡന്റ് സി.എ അബ്ബാസ് ഹാജി തുടങ്ങിയവര്‍ നേതൃത്വം നല്‍കും.