തൃക്കരിപ്പൂര്‍: രണ്ടുകോടിയോളം രൂപ ചെലവഴിച്ച് വലിയകൊവ്വല്‍ മൈതാനത്ത് നിര്‍മിച്ച ആധുനിക സിന്തറ്റിക്ക് സ്‌റ്റേഡിയം കളിക്കാര്‍ക്ക് തുറന്നുകൊടുക്കണമെന്ന് തൃക്കരിപ്പൂര്‍ ഇ.കെ നായനാര്‍ ഫുട്‌ബോള്‍ അക്കാദമി പ്രവര്‍ത്തക സമിതിയോഗം ആവശ്യപ്പെട്ടു. ഏഴുമാസം മുന്‍പ് നിര്‍മാണം പൂര്‍ത്തിയാക്ക്യ സ്‌റ്റേഡിയം പരിചരണമില്ലതെ നശിച്ചുകൊണ്ടിരിക്കുകയാണ്. അടിയന്തിരമായും സ്‌റ്റേഡിയം ഉദ്ഘാടനം ചെയ്ത് കളിക്കാര്‍ക്ക് വിട്ടുനല്‍കണമെന്ന് ആക്മി സ്‌പോര്‍ട്‌സ് ക്ലബും ആവശ്യപ്പെട്ടിട്ടുണ്ട്. ഇല്ലെങ്കില്‍ തൃക്കരിപ്പൂരിലെ ക്ലബുകളെ കോര്‍ത്തിണക്കി ശക്തമായ സമരമുറകള്‍ ആരംഭിക്കുമെന്ന് ക്ലബ് ഭരവാഹികള്‍ അറിയിച്ചു.