ഇരിട്ടി: പീഡിപ്പിക്കാന്‍ ശ്രമിച്ചതിനെ തുടര്‍ന്ന് വിദ്യാര്‍ഥിനി ആത്മഹത്യക്ക് ശ്രമിച്ച കേസില്‍ മൂന്നു യുവാക്കളെ ഇരിട്ടി ഡിവൈ.എസ്.പി പ്രജീഷ് തോട്ടത്തില്‍ അറസ്റ്റ് ചെയ്തു. കൊട്ടിയൂര്‍ ഒറ്റപ്ലാവില്‍ മംഗലത്ത് എം.ജെ ഷിജോ(24), അടക്കാത്തോട് ചെമ്പനാനിക്കല്‍ നോബിള്‍(19), അടക്കാത്തോട് വെള്ളായില്‍ മുഹമ്മദ് ഷാഫി(21) എന്നിവരാണ് അറസ്റ്റിലായത്. ഇവര്‍ തട്ടിക്കൊണ്ടുപോവാന്‍ ഉപയോഗിച്ച കാറും കസ്റ്റഡിയില്‍ എടുത്തു. തലശ്ശേരി സെഷന്‍സ് കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. കൊട്ടിയൂരില്‍ പട്ടിക വര്‍ഗക്കാരിയായ പ്ലസ് ടു വിദ്യാര്‍ഥിനിയെ കാറില്‍ തട്ടിക്കൊണ്ടുപോയി പീഡിപ്പിക്കാന്‍ ശ്രമിച്ചതിനെ ത്തുടര്‍ന്ന് വിദ്യാര്‍ഥിനി ഉറക്ക ഗുളികകള്‍ കഴിച്ച് ആത്മഹത്യക്ക് ശ്രമിക്കുകയായിരുന്നു. ഗുരുതരാവസ്ഥയിലായ വിദ്യാര്‍ഥിനി രണ്ടു ദിവസമായി കോഴിക്കോട് മെഡിക്കല്‍ കോളജില്‍ തീവ്ര പരിചരണ വിഭാഗത്തില്‍ ചികിത്സയിലാണ്.