കഠിനംകുളം: അര്‍ധരാത്രി യുവാവിനെ വീട് കയറി ആക്രമിച്ച് ഭീകരാന്തരീക്ഷം സൃഷ്ടിച്ച കേസിലെ പ്രതി അറസ്റ്റില്‍. മംഗലപുരം കുളങ്ങരവിള വീട്ടില്‍ വിനു (26) നെയാണ് മംഗലപുരം പൊലിസ് അറസ്റ്റുചെയ്തത്.
കഴിഞ്ഞ ഏഴാം തിയതി രാത്രി 11ന് വെയിലൂര്‍ വാലികോണം പ്രൈമറി ഹെല്‍ത്ത് സെന്ററിന് സമീപം ഊറ്റിങ്കര വീട്ടില്‍ ഷബീറിന്റെ വീട്ടിലാണ് മൂന്ന് പേരടങ്ങുന്ന സംഘം മാരാകായുധങ്ങളുമായി എത്തി ജനല്‍പാളികള്‍ അടിച്ചു പൊട്ടിക്കുകയും വീട്ടുകാരെ ഭീഷണിപ്പെടുത്തുകയും ചെയ്തതെന്ന് പൊലിസ്് പറഞ്ഞു. തുടര്‍ന്ന് ഷബീര്‍ പോലിസില്‍ പരാതി നല്‍കുകയായിരുന്നു. മറ്റു രണ്ട് പ്രതികളായ ഷെഹിന്‍, നൗഫല്‍ എന്നിവര്‍ ഒളിവിലാണ്. പോത്തന്‍കോട് സി.ഐ ഷാജി, മംഗലപുരം എസ്.ഐ ബിനീഷ് ലാല്‍, സി.പി.ഒമാരായ മനോജ്, രാജീവ് എന്നിവര്‍ അറസ്റ്റിന് നേതൃത്വം നല്‍കി.