ആലുവ: ആലുവ കുട്ടമശ്ശേരിയില്‍ കഞ്ചാവ് വില്‍പ്പന നടത്തിവന്നിരുന്ന സംഘത്തെ ആലുവ എക്‌സൈസ് റേഞ്ച് ഇന്‍സ്‌പെക്ടര്‍ ആര്‍ പ്രശാന്തും  ചേര്‍ന്ന് അറസ്റ്റ് ചെയ്തു. രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് 4 കിലോ 200 ഗ്രാം ഗഞ്ചാവ് പിടിച്ചെടുത്തത്.

ഇടപ്പിള്ളി എസ്.എം.റ്റി നിവാസില്‍ വിജയ്, കുന്നുവഴി കുറുപ്പശ്ശേരി അസ്സി എന്നിവരെയാണ് അറസ്റ്റ് ചെയ്തത്. കുട്ടമശ്ശേരി മനയ്ക്കക്കുടി ഷാനവാസ്, അഫ്‌സല്‍, മാഹിന്‍ സിദ്ധിക് എന്നിവര്‍ സംഭവ സ്ഥലത്തുനിന്ന് ഓടി രക്ഷപ്പെട്ടു. പ്രതികളില്‍ കഞ്ചാവ് കടത്താന്‍ ഉപയോഗിച്ച മാരുതി കാറും മൂന്നു ബൈക്കുകളും കസ്റ്റഡിയില്‍ എടുത്തു.

ഇവരെ അറസ്റ്റ് ചെയ്യുന്നതിനിടെ ഓടി രക്ഷപ്പെട്ടവരെ കണ്ടെത്താന്‍ എക്‌സൈസ് സംഘം വീടുകളില്‍ പരിശോധന നടത്തി. പ്രതികള്‍ ഉടന്‍ പിടിയിലാകുമെന്ന് ആലുവ എക്‌സൈസ് ഇന്‍സ്‌പെക്ടര്‍ അറിയിച്ചു. റെയ്ഡില്‍ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ബി മുരളി, സിവില്‍ എക്‌സൈസ് ഓഫീസര്‍മ്മാരയ എം.കെ ഷാജി, എ.ഇ സിദ്ധിക്, എം.എ ഷിബു, സക്കീര്‍ ഹുസൈന്‍ എന്നിവര്‍ പങ്കെടുത്തു. അറസ്റ്റ് ചെയ്ത പ്രതികളെ ആലുവ ജുഡീഷ്യല്‍ ഒന്നാം ക്ലാസ്സ് മജിസ്‌ട്രേറ്റ് കോടതി മുമ്പാകെ ഹാജരാക്കി പ്രതികളെ ജുഡീഷ്യല്‍ കസ്റ്റഡിയില്‍ റിമാന്റ് ചെയ്തു.