ഷൊര്‍ണ്ണൂര്‍: സൗമ്യകേസില്‍ ജസ്റ്റിസ് മാര്‍ക്കണ്ഡേയ കട്ജു ഇടപെട്ടതും സുപ്രിംകോടതിയില്‍ എത്തിയതും ഏറെ അഭിമാനത്തോടെയാണു കാണുന്നതെന്ന് സൗമ്യയുടെ അമ്മ സുമതി പ്രതികരിച്ചു. സുകേശന്‍ വക്കീലും എ.ഡി.ജി.പി സന്ധ്യയും അടക്കം നിരവധി ആളുകള്‍ സൗമ്യക്ക് നീതി കിട്ടാനായി കഠിനമായി പരിശ്രമിച്ചിട്ടുണ്ട്. അവരെല്ലാവരും സ്വന്തം കുടുംബവും കഷ്ടപ്പാടുകളുമൊക്കെ മറന്ന് മകളുടെ കേസ് സുപ്രിം കോടതിയിലെത്തിക്കാനും അവള്‍ക്ക് നീതി ഉറപ്പാക്കാനുംവേണ്ടി കഴിയുന്നത്ര പരിശ്രമിച്ചുവന്നും സുമതി പ്രതികരിച്ചു.