വാഷിങ്ടണ്‍: ഈ വര്‍ഷം അമേരിക്കയില്‍ വോട്ടെടുപ്പില്‍ നിന്ന് ജനങ്ങള്‍ വിട്ടുനിന്നതായി റിപ്പോര്‍ട്ട്. 20 വര്‍ഷത്തെ ഏറ്റവും താഴ്ന്ന നിരക്കിലാണ് ഇത്തവണത്തെ പോളിങ് ശതമാനം.  
ചൊവ്വാഴ്ച നടന്ന തെരഞ്ഞെടുപ്പിന്റെ കണക്കുകള്‍ തെരഞ്ഞെടുപ്പ് ഉദ്യോഗസ്ഥര്‍ പരിശോധിച്ചു വരികയാണെന്ന് സി.എന്‍.എന്‍ റിപ്പോര്‍ട്ട് ചെയ്തു. 12.6 കോടി വോട്ടുകളാണ് എണ്ണികഴിഞ്ഞത്.  
55 ശതമാനം പേരാണ് വോട്ട്‌ചെയ്തത്. 1996 മുതല്‍ രേഖപ്പെടുത്തുന്ന ഏറ്റവും കുറഞ്ഞ പോളിങ്ങാണ് ഇത്. 53.5 ശതമാനമാണ് 1996 ലെ പോളിങ്. തെരഞ്ഞെടുപ്പ് സംബന്ധിച്ച് ഇതുവരെയും വ്യക്തമായ കണക്ക് പുറത്തുവന്നിട്ടില്ല.