കരുനാഗപ്പള്ളി: പതിനേഴുകാരിയെ കാമുകന്‍ ഉള്‍പ്പെട്ട സംഘം പീഡിപ്പിച്ച കേസില്‍ ഒരാള്‍ കൂടി പിടിയിലായി. ഓച്ചിറ മടത്തികാരായ്മയില്‍ കൃഷ്ണവിലാസം വീട്ടില്‍ ആതുല്‍ എന്ന് വിളിക്കുന്ന വിഷ്ണു (22)വിനെയാണ് കരുനാഗപ്പള്ളി പൊലിസ് അറസ്റ്റ് ചെയ്തത്. ഇതോടെ ഈ കേസില്‍ ഏഴ് പേര്‍ അറസ്റ്റിലായി. കഴിഞ്ഞ വ്യാഴാഴ്ച്ച കേസില്‍ കാമുകന്‍ ഉള്‍പ്പെട്ട ആറു പേരെ അറസ്റ്റ് ചെയ്തു റിമാന്‍ഡ് ചെയ്തിരുന്നു. ഫെയ്‌സ്ബുക്കിലൂടെ പരിചയപ്പെട്ട 17 കാരിയെ കാമുകനും സുഹൃത്തുക്കളും ചേര്‍ന്ന് പീഡിപ്പിക്കുകയും സംഘത്തില്‍ ഉള്ള ഒരാള്‍ പെണ്‍കുട്ടിയുടെ മാല പൊട്ടിച്ചെടുത്തു കടന്ന് കളയുകയും ചെയ്തിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.