ഭീവണ്ടി: നോട്ട് പിന്‍വലിക്കല്‍ വിഷയത്തില്‍ സര്‍ക്കാരിനെ രൂക്ഷമായി വമര്‍ശിച്ചുകോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. പുതിയ തീരുമാനത്തിലൂടെ വ്യവസായികളുടെ പോക്കറ്റ് നിറയ്ക്കലാണു മോദി ലക്ഷ്യമിടുന്നതെന്നും 15 വ്യവസായികളാണു സര്‍ക്കാരിന്റെ പ്രവര്‍ത്തനങ്ങള്‍ക്കു ചുക്കാന്‍ പിടിക്കുന്നതെന്നും രാഹുല്‍ ആരോപിച്ചു.
മോദി പണം പിന്‍വലിക്കാന്‍ തീരുമാനമെടുത്തു. അതിനാല്‍ നിങ്ങള്‍ ഇപ്പോള്‍ ബാങ്കുകള്‍ക്കും എ.ടി.എമ്മുകള്‍ക്കും മുന്നില്‍ വരി നില്‍ക്കുന്നു. എന്നാല്‍ സമ്പന്നരായ ആരും ബാങ്കുകള്‍ക്കുമുന്നില്‍ വരി നില്‍ക്കുന്നതു കണ്ടില്ല. വ്യവസായി സുഹൃത്തുക്കള്‍ക്കെതിരേ മോദി സര്‍ക്കാര്‍ ഒരു നടപടിയും സ്വീകരിച്ചിട്ടില്ല. ജനങ്ങളില്‍നിന്നു പിടിച്ചെടുത്ത പണം വ്യവസായികളുടെ പോക്കറ്റ് നിറയ്ക്കാനാണ് ഉപയോഗിക്കുന്നത്. 15 വ്യവസായ സുഹൃത്തുക്കള്‍ക്ക് ഇത് കൈമാറിയിരിക്കുകയാണെന്നും രാഹുല്‍ ആരോപിച്ചു