തൊടുപുഴ: ജില്ലാ പ്രോജക്ട് ഓഫീസിന്റെ നേതൃത്വത്തില്‍ ഇന്ന് അക്ഷയദിനം ആചരിക്കും. എല്ലാ അക്ഷയ കേന്ദ്രങ്ങളിലും പോസ്റ്ററുകളിലൂടെ അക്ഷയ ദിന സന്ദേശം പ്രചരിപ്പിക്കും.
ഇ ഡിസ്ട്രിക്ട് ഉള്‍പ്പെടെയുള്ള ഗവണ്‍മെന്റ് സേവനങ്ങള്‍ ഏറ്റവും കാര്യക്ഷമമായി ജനങ്ങളിലെത്തിക്കാന്‍ മികവുറ്റ പരിശീലനം ജീവനക്കാര്‍ക്ക് നല്‍കും. ഓരോ അക്ഷയ സംരംഭകവും മികവുറ്റ കേന്ദ്രങ്ങളാക്കാനും നേതൃത്വശേഷി കാര്യക്ഷമമാക്കാനുമുള്ള വര്‍ക്ക്‌ഷോപ്പുകളും നടത്തും. 2002 ല്‍ രാജ്യത്തിനു തന്നെ മാതൃകയായി മുന്‍ രാഷ്ട്രപതി ഡോ.എ.പി.ജെ. അബ്ദുള്‍കലാം മലപ്പുറത്ത് തുടക്കം കുറിച്ചതാണ് അക്ഷയ പദ്ധതി.
വിവര സാങ്കേതിക മേഖലയില്‍ അനുദിനം ഉണ്ടാകുന്ന മാറ്റങ്ങളെ ഉള്‍ക്കൊണ്ടുകൊണ്ട് ജനസേവനത്തിന്റെ വിജയകരമായ 14 വര്‍ഷം പൂര്‍ത്തിയാക്കുകയാണ് അക്ഷയ.