കൊച്ചി: മാളുകള്‍ കേന്ദ്രീകരിച്ച് കഞ്ചാവ് വില്‍പന നടത്തിവന്ന യുവാവിനെ ഷാഡോ പൊലിസും എളമക്കര പൊലിസും ചേര്‍ന്ന് പിടികൂടി. കാക്കനാട് ടി.വി സെന്റര്‍ പുത്തന്‍വീട്ടില്‍ അഫ്‌സല്‍(26)ആണ് പിടിയിലായത്. കഞ്ചാവ് പൊതികളാക്കി വാഹനത്തില്‍ സൂക്ഷിച്ച് മാളിന്റെ പാര്‍ക്കിങ് ഏരിയയില്‍ നിര്‍ത്തി പൈസ വാങ്ങിയ ശേഷം  ആവശ്യക്കാര്‍ക്ക് എത്തിക്കുകയാണ് ഇയാളുടെ രീതി.
സ്‌പെഷ്യല്‍ ബ്രാഞ്ച് അസിസ്റ്റന്റ് കമ്മിഷണര്‍ കെ.വി വിജയന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു റെയ്ഡ്. റെയ്ഡില്‍ ഷാഡോ സബ് ഇന്‍സ്‌പെക്ടര്‍ നിത്യാനന്ദ പൈ, സിവില്‍ പൊലിസ് ഓഫിസര്‍മാരായ വിലാസന്‍, ബെന്നി, ഷാജി, ഷൈമോന്‍ എന്നിവര്‍ പങ്കെടുത്തു. മാളുകള്‍ കേന്ദ്രീകരിച്ചുള്ള സാമൂഹ്യ വിരുദ്ധരെ അമര്‍ച്ച ചെയ്യുന്നതിന് പൊലിസ് കമ്മിഷണര്‍ ഡോ. അരുള്‍ ആര്‍.ബി കൃഷ്ണയുടെ നേതൃത്വത്തില്‍ നടപടികള്‍ സ്വീകരിച്ചുവരികയാണ്.