വടകര: റവന്യു ജില്ലാ സ്‌കൂള്‍ ശാസ്‌ത്രോത്സത്തിന്റെ ഭാഗമായുള്ള സാമൂഹ്യ ശാസ്ത്രമേളയില്‍ ഹയര്‍ സെക്കന്‍ഡറി വിഭാഗത്തില്‍ 51 പോയിന്റ് നേടി കോഴിക്കോട് സിറ്റി ഉപജില്ലയും ഹൈസ്‌കൂള്‍ വിഭാഗത്തില്‍ 68 പോയിന്റോടെ വടകര ഉപജില്ലയും ജേതാക്കളായി. യു.പി വിഭാഗത്തില്‍ 42 പോയിന്റുള്ള തോടന്നൂരിനാണ് ഒന്നാം സ്ഥാനം. എല്‍.പിയില്‍ കോഴിക്കോട് സിറ്റിയും വടകരയും 37 പോയിന്റ് നേടി ഒന്നാം സ്ഥാനം പങ്കിട്ടു.
രണ്ടും മൂന്നും സ്ഥാനം നേടിയ ഉപജില്ലകള്‍. ബ്രാക്കറ്റില്‍ പോയിന്റ്: ഹയര്‍ സെക്കന്‍ഡറി വിഭാഗം- വടകര ഉപജില്ല (41), പേരാമ്പ്ര (39). ഹൈസ്‌കൂള്‍- കുന്നുമ്മല്‍ (59), തോടന്നൂര്‍ (54). യു.പി വിഭാഗം- മുക്കം (41), വടകര (36). എല്‍.പി വിഭാഗം- ചോമ്പാല, പേരാമ്പ്ര (32), തോടന്നൂര്‍, കോഴിക്കോട് റൂറല്‍ (28).
സ്‌കൂള്‍തലത്തിലുള്ള ജേതാക്കള്‍: ഹയര്‍ സെക്കന്‍ഡറി വിഭാഗം- മേമുണ്ട എച്ച്.എസ്.എസ് (28), കോഴിക്കോട് സില്‍വര്‍ ഹില്‍സ് (24). ഹൈസ്‌കൂള്‍ വിഭാഗം- വട്ടോളി സംസ്‌കൃതം എച്ച്.എസ് (34), വടകര സെന്റ് ആന്റണീസ് (33). യു.പി വിഭാഗം- മേമുണ്ട എച്ച്.എസ്.എസ് (28), വടകര സെന്റ് ആന്റണീസ് (18). എല്‍.പി വിഭാഗം- കൊയിലാണ്ടി യു.പി (11), പാലയാട് എല്‍.പി (10).