കല്ലടിക്കോട്: മൂന്നു ദിവസമായി തച്ചമ്പാറ ദേശബന്ധു ഹയര്‍ സെക്കന്‍ഡറി സ്‌ക്കൂളില്‍ നടന്ന ജില്ലാ ശാസ്ത്ര, ഗണിത ശാസ്ത്ര, സാമൂഹ്യ ശാസ്ത്ര, വിവര സാന്‍കേതിക, പ്രവര്‍ത്തി പരിചയമേള സമാപിച്ചു.
സമാപന സമ്മേളനം ബിനിമോള്‍ ഉദ്ഘാടനം ചെയ്തു. പി.എം സളകര്‍ അധ്യക്ഷനായി. കെ.പി മൊയ്തു വിജയികള്‍ക്ക് സമ്മാനങള്‍ വിതരണം ചെയ്തു.
പ്രവര്‍ത്തി പരിചയമേളയില്‍ മണ്ണാര്‍ക്കാടും (44657പോയന്റ് ) ഗണിത ശാസ്ത്രമേളയില്‍ ഒറ്റപ്പാലവും (292 പോയന്റ്) വിവര സാങ്കേതികതയില്‍ തൃത്താലയും (96 പോയന്റ്) ചാംപ്യന്മാരായി. പ്രവര്‍ത്തി പരിചയമേളയില്‍ ആലത്തൂര്‍(40463 പോയന്റ്), ഒറ്റപ്പാലം (39767 പോയന്റ്) രണ്ടും മൂന്നും സ്ഥാനങ്ങള്‍ നേടി. ഗണിതത്തില്‍ ചെര്‍പ്പുളശ്ശേരി ( 284 പോയന്റ്), പാലക്കാട്(223 പോയന്റ്) രണ്ടും മൂന്നും സ്ഥാനങ്ങള്‍ നേടി.
വിവര സാന്‍കേതിക മേളയില്‍ പട്ടാമ്പി ( 79 പോയന്റ്), ചെര്‍പ്പുളശ്ശേരി 78 പോയന്റ്) രണ്ടും മൂന്നും സ്ഥാനങ്ങള്‍ നേടി.
ശാസ്ത്ര മേളയുടെ ലോഗോ തയാറാക്കിയ ദേശബന്ധു സ്‌ക്കൂളിലെ ചിത്രകലാ അധ്യാപകനായ പ്രമോദിനുള്ള ഉപഹാരം വിദ്യാഭ്യാസ ഡപ്യൂട്ടി ഡയറക്ടര്‍ കെ ശ്രീനിവാസ് നല്‍കി.