കൊല്ലം: റേഷന്‍കാര്‍ഡ് പുതുക്കലുമായി ബന്ധപ്പെട്ട് മുന്‍ഗണനാ ലിസ്റ്റില്‍ ഉള്‍പ്പെടാത്തവരും ഇരവിപുരം വില്ലേജ് ഓഫിസില്‍ അപേക്ഷ സമര്‍പ്പിച്ച് ഹിയറിങ് തിയ്യതി ലഭിക്കാത്തതുമായ ഒന്നുമുതല്‍ 300 വരെ ക്രമനമ്പര്‍ ലഭിച്ച അപേക്ഷകര്‍ക്ക് 21നും, 301 മുതല്‍ 600വരെ ക്രമനമ്പര്‍ ലഭിച്ചിട്ടുള്ള അപേക്ഷകര്‍ക്ക് 22നും, 601 മുതല്‍ 900വരെ ക്രമനമ്പര്‍ ലഭിച്ചിട്ടുള്ള അപേക്ഷകര്‍ക്ക് 23നും, 901 മുതല്‍ 1087 വരെ ക്രമനമ്പര്‍ ലഭിച്ച അപേക്ഷകര്‍ക്ക് 24നും, കൊല്ലം താലൂക്ക് സപ്‌ളൈ ഓഫിസില്‍ രാവിലെ 10 മുതല്‍ വൈകീട്ട് അഞ്ചുവരെ ഹിയറിങ് നടത്തും.
മുണ്ടയ്ക്കല്‍ വില്ലേജ് ഓഫിസില്‍ അപേക്ഷ സമര്‍പ്പിച്ചതും 276 മുതല്‍ 550വരെ ക്രമനമ്പര്‍ ലഭിച്ച അപേക്ഷകര്‍ക്ക് ഇന്ന് കൊല്ലം താലൂക്ക് സപ്‌ളൈ ഓഫിസില്‍ പകല്‍ 10 മുതല്‍ വൈകീട്ടു അഞ്ചുവരെ ഹിയറിങ് നടത്തും.
അപേക്ഷകര്‍ ആവശ്യമായ രേഖകളും വില്ലേജ് ഓഫിസുകളില്‍നിന്ന് ലഭിച്ച രസീതുകളും സഹിതം താലൂക്ക് സപ്‌ളൈ ഓഫിസില്‍ എത്തണമെന്ന് ഓഫിസര്‍ അറിയിച്ചു.