കൊച്ചി: വാതരോഗ ചികിത്സാ വിദഗ്ധരുടെ ദേശീയ സമ്മേളനം ഈ മാസം 24 മുതല്‍ 27 വരെ  കൊച്ചിയില്‍ നടക്കും. 20 വര്‍ഷത്തിനു ശേഷമാണ് കേരളം സമ്മേളനത്തിന് വേദിയാകുന്നത്. ബോള്‍ഗാട്ടി പാലസ് കണ്‍വന്‍ഷന്‍ സെന്ററില്‍ 24-ന് രാവിലെ 9.30 മുതല്‍ തുടക്കമാകും.
കേരളത്തിലെ വാതരോഗ ചികിത്സാ വിദഗ്ധര്‍ക്കുമാത്രമായി ഏകദിന സെമിനാര്‍ സംഘടിപ്പിച്ചിട്ടുണ്ട്. 25-ന് വൈകിട്ട് 6.30-ന് ഗവര്‍ണര്‍ പി.സദാശിവം ഉദ്ഘാടനം നിര്‍വഹിക്കും. കേന്ദ്ര ആരോഗ്യ മന്ത്രി ജെ.പി.നന്ദ മുഖ്യാതിഥിയായിരിക്കും. ഇന്ത്യയിലെ വാതരോഗികള്‍ അഭിമുഖീകരിക്കുന്ന സങ്കീര്‍ണ പ്രശ്‌നങ്ങളെക്കുറിച്ചും പരിഹാരങ്ങളെക്കുറിച്ചും സിമ്പോസിയം, ശില്‍പശാല, സെമിനാറുകള്‍  സംഘടിപ്പിച്ചിട്ടുണ്ട്. 1500 ല്‍ പരം ഡോക്ടര്‍മാര്‍ പങ്കെടുക്കും.  20 വിദേശ രാജ്യങ്ങളില്‍ നിന്നും പ്രതിനിധികള്‍ എത്തും.'ഐറാകോണ്‍ 2016'-ന്റെ സ്വാഗതസംഘം ഓഫിസ് എറണാകുളം നെട്ടൂരില്‍ ഡോ ഷേണായീസ് സെന്റര്‍ ഫോര്‍ റുമാറ്റിസം എക്‌സെലന്‍സില്‍ (ഡോ.ഷേണായീസ് കെയര്‍) പ്രവര്‍ത്തിച്ചു വരുന്നുണ്ട.