കൊട്ടാരക്കര: കേരളാകോണ്‍ഗ്രസ് (ബി) പ്രവര്‍ത്തകര്‍ കൊല്ലം ഡി.സി.സി.പ്രസിഡന്റ് കൊടിക്കുന്നില്‍ സുരേഷ് എം.പി യുടെ  കോലം കത്തിച്ചു.
കൊടിക്കുന്നിലിന്റെ ഓഫിസിലേക്ക് പ്രകടനവുമായെത്തിയ പ്രവര്‍ത്തകരെ ഗേള്‍സ്‌ഹൈസ്‌കൂള്‍ റോഡിനു മുമ്പില്‍ പൊലിസ് തടഞ്ഞു. പ്രവര്‍ത്തകര്‍ കൊടിക്കുന്നിലിന്റെ കോലം റോഡിലിട്ടു കത്തിക്കുകയും കൊടിക്കുന്നിലിനെതിരെ പ്രകടനം നടത്തുകയും ചെയ്തു.
കേരളാ കോണ്‍ഗ്രസ് (ബി) നിയോജക മണ്ഡലം പ്രസിഡന്റ് ജേക്കബ് വര്‍ഗ്ഗീസ് വടക്കടത്ത്, യൂത്ത് ഫ്രണ്ട് (ബി) പ്രസിഡന്റ് എ. ഷാജു, പുവറ്റൂര്‍ സുരേന്ദ്രന്‍, ശങ്കരന്‍ കുട്ടി എന്നിവര്‍ നേതൃത്വം നല്‍കി.