മണ്ണാര്‍ക്കാട് : മണ്ണാര്‍ക്കാട് നിയോജക മണ്ഡലം യു.ഡി.എഫ് സ്ഥാനാര്‍ഥി അഡ്വ. എന്‍ ശംസുദ്ദീന്റെ വിജയം കാന്തപുരം അബൂബക്കര്‍ മൗലവിയുടെ അഹങ്കാരത്തിനേറ്റ കനത്ത തിരിച്ചടിയാണെന്ന് മണ്ണാര്‍ക്കാട് മണ്ഡലം സമസ്ത നേതാക്കള്‍ സംയുക്തപ്രസ്താവനയില്‍ അഭിപ്രായപ്പെട്ടു.
കഴിഞ്ഞ 25 വര്‍ഷമായി മുസ്ലിം ലീഗ് രാഷ്ട്രീയ പാര്‍ട്ടിക്ക് ബദലാകാന്‍ ശ്രമിക്കുകയും അതിന്നായി മഹല്ലുകളില്‍ വിഭാഗീയതകള്‍ക്കും അക്രമങ്ങള്‍ക്കും നേതൃത്വം നല്‍കി വരികയും ചെയ്യുന്ന കാന്തപുരത്തിന്റെ മണ്ണാര്‍ക്കാട്ടെ എം എല്‍ എ അഡ്വ. എന്‍.
ശംസുദ്ദീനെ തോല്‍പ്പിക്കാനുള്ള ആഹ്വാനം മണ്ണാര്‍ക്കാട്ടെ ജനങ്ങള്‍ ചവറ്റു കൊട്ടയിലേക്ക് വലിച്ചെറിയുകയാണ് ചെയ്തതെന്നും അവര്‍ പറഞ്ഞു.
മുസ്ഥഫ അശ്‌റഫി കക്കുപ്പടി, സി മുഹമ്മദാലി ഫൈസി, ടി ടി ഉസ്മാന്‍ ഫൈസി, ഹബീബ് ഫൈസി കോട്ടോപ്പാടം, അന്‍വര്‍ ഫൈസി കാഞ്ഞിരപ്പുഴ, ശമീര്‍ ഫൈസി കേട്ടോപ്പാടം, കബീര്‍ അന്‍വരി നാട്ടുകല്‍, നാസര്‍ഫൈസി, നിസാബുദ്ദീന്‍ ഫൈസി, ടി കെ സുബൈര്‍ മൗലവി, ശമീര്‍ മാസ്റ്റര്‍ സംബന്ധിച്ചു.