തിരുവനന്തപുരം: ശബരിമല തീര്‍ഥാടനകാലം ആരംഭിച്ചിട്ടും ആവശ്യമായ അടിസ്ഥാന സൗകര്യങ്ങള്‍ ഏര്‍പ്പെടുത്താത്ത സ്റ്റേഷനുകളില്‍ അടിയന്തിരമായി സൗകര്യങ്ങള്‍ ഏര്‍പ്പെടുത്തണമെന്ന് മന്ത്രി ജി. സുധാകരന്‍ ആവശ്യപ്പെട്ടു.
ഇതു സംബന്ധിച്ച് റെയില്‍വേ ഡിവിഷനല്‍ മാനേജര്‍ക്ക് കത്തയച്ചു. ഇക്കഴിഞ്ഞ തീര്‍ഥാടനകാലത്ത് റെയില്‍വേ സ്റ്റേഷനുകളില്‍ ലഭ്യമായ സൗകര്യങ്ങള്‍പോലും ചില സ്റ്റേഷനുകളില്‍ ഒരുക്കുന്നതിന് റെയില്‍വേക്ക് കഴിഞ്ഞിട്ടില്ല.
എറണാകുളം സൗത്ത് റെയില്‍വേ സ്റ്റേഷന്‍ പോലെ കൂടുതല്‍ തീര്‍ഥാടകരെത്തുന്ന സ്റ്റേഷനുകളില്‍ ആവശ്യമായ വിശ്രമ മുറികളും ശുചിമുറികളും ഒരുക്കുന്നതിന് നടപടികള്‍ സ്വീകരിക്കണമെന്നും മന്ത്രി ആവശ്യപ്പെട്ടു.