മൂവാറ്റുപുഴ: എസ്.കെ.എസ്.എസ്.എഫ് മൂവാറ്റുപുഴ മേഖലാ കമ്മിറ്റിയുടെ ആഭിമുഖ്യത്തില്‍ ഡിസംബര്‍ 23, 24, 25 തീയതികളിലായി പേഴയ്ക്കാപ്പിള്ളി പള്ളിപ്പടിയില്‍ നടക്കുന്ന മദ്ഹുറസൂല്‍ കോണ്‍ഫറന്‍സിന്റെ സ്വാഗത സംഘം രൂപീകരണം കബറിങ്കല്‍ ജമാലിയത്തില്‍ ഇസ്ലാം മദ്രസ്സയില്‍ വച്ച് നടന്നു. യോഗത്തില്‍ എസ്.കെ.എസ്.എസ്.എഫ് മൂവാറ്റുപുഴ മേഖലാ പ്രസിഡന്റ് മുഹിയുദീന്‍ ബാഖവി അധ്യക്ഷത വഹിച്ചു.
പേഴയ്ക്കാപ്പിള്ളി സെന്‍ട്രല്‍ ജുമാമസ്ജിദ് ഇമാം അഷറഫ് അഷറഫി പാന്താവൂര്‍ ഉദ്ഘാടനം നിര്‍വഹിച്ചു. റസാഖ് പുതുപൊന്നാനി മുഖ്യപ്രഭാഷണം നടത്തി. സ്വാഗത സംഘം രക്ഷാധികാരികളായി കെ.കെ ഇബ്രാഹിം ഹാജി, ഷിഹാബുദ്ദീന്‍ അമാനി, അലി പായിപ്ര, ചിലവ് ഫൈസല്‍ ഫൈസി, അലിയാര്‍ മാസ്റ്റര്‍, സൈനുദ്ദീന്‍ മാസ്റ്റര്‍ എന്നിവരേയും സ്വാഗത സംഘം ചെയര്‍മാനായി മുഹമ്മദ് റാഫി ഐരാറ്റില്‍, ജനറല്‍ കണ്‍വീനര്‍ വി.എം.എ റഹീം ദാരിമി, ട്രഷറര്‍ നിയാസ് പള്ളിപ്പടി എന്നിവരും സ്വാഗത സംഘം ഭാരവാഹികളായി സിദ്ദിഖ് ചിറപ്പാട്ട്, ബഷീര്‍ കാഞ്ഞിരക്കാട്, ഷാഫി വലിയപറമ്പില്‍, അര്‍ഷദ് പായിപ്ര, ഷിജാസ് പള്ളിപ്പടി, ആബിദ് കൊള്ളിക്കാട്ടുചാലില്‍, അബിനാസ് കെ.കെ, മുഹ്‌സിന്‍ മുളവൂര്‍ എന്നിവരേയും തെരഞ്ഞെടുത്തു.