കൊടുങ്ങല്ലൂര്‍: അന്ന് അച്ഛനോട് തോറ്റു, ഇന്ന് മകനോടും. ഇരുപത്തി ഒമ്പത് വര്‍ഷം മുന്‍പ് അതായത് ആയിരത്തി തൊള്ളായിരത്തി എണ്‍പത്തി ഏഴില്‍ സി.പി.ഐയുടെ കരുത്തനായ നേതാവ് വി.കെ രാജനെ നേരിടാനായി കൊടുങ്ങല്ലൂരിലെത്തിയ യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി കെ.പി ധനപാലന്‍ ആ തെരഞ്ഞെടുപ്പില്‍ മൂവായിരത്തിലധികം വോട്ടുകള്‍ക്കാണ് പരാജയപ്പെട്ടത്.
കാലം കടന്നു പോയപ്പോള്‍ മറ്റൊരു തെരഞ്ഞെടുപ്പില്‍ വി.കെ രാജന്റെ മകനെ നേരിടാനുള്ള നിയോഗം കെ.പി ധനപാലന് തന്നെയായിരുന്നു. പക്ഷെ ഫലം പരാജയം തന്നെയായി. 1987 ല്‍ സൃഷ്ടിച്ച പ്രചാരണ തരംഗം 2016ല്‍ ആവര്‍ത്തിക്കാന്‍ ധനപാലന് ആയില്ലതാനും.