മുളന്തുരുത്തി: വെട്ടിക്കല്‍ സ്വകാര്യ കമ്പനിയില്‍ നിന്നും മലിനജലം പുറന്തള്ളുന്നതായി നാട്ടുകാര്‍ പരാതിപ്പെട്ടു. നിരവധി കെമിക്കല്‍ ഉപയോഗിച്ചുള്ള വസ്തുക്കളാണ് കമ്പനിയിയല്‍ നിര്‍മ്മിക്കുന്നത് ഇതില്‍ നിന്നും പുറന്തള്ളുന്ന മലിന ജലം സമീപത്തുള്ള വീടുകളിലെ കിണറുകളില്‍ ഉറവയായി എത്തുന്നതിനാല്‍ കുടിവെള്ളം മലിനമാകുന്നതായി നാട്ടുകാര്‍ പരാതിപ്പെട്ടു.
കൃഷിയിടങ്ങളിലേക്കും രാസമാലിന്യം അടങ്ങിയ മലിനജലം എത്തുന്നതിനാല്‍ കൃഷി ചെയ്യാനും സാധിക്കുന്നില്ലന്ന് നാട്ടുകാര്‍ പറയുന്നു. കിണറുകളിലെ ജലം മലിനമായതിനാല്‍ കുടിവെള്ളത്തിനായി കിലോ മീറ്ററുകളോളം നടന്ന് തലച്ചുമടായി വേണം ശുദ്ധജലം എത്തിക്കാനെന്ന് നാട്ടുകാര്‍ പറയുന്നു.ഇത് സംബന്ധിച്ച് ചോറ്റാനിക്കര ഗ്രാമപഞ്ചായത്ത് അധികൃതര്‍ക്കം കമ്പനി മാനേജ്‌മെന്റിനും പരാതി നല്‍കിയിട്ടും യാതൊരു നടപടികളും ഉണ്ടായില്ലന്ന് നാട്ടുകാര്‍ പറയുന്നു.