ദോഹ: അക്ഷയ പുസ്തക നിധി  അന്തര്‍ദേശീയ പുരസ്‌കാരം എഫ്.സി.സി ഏറ്റുവാങ്ങി.  അക്ഷയ പുസ്തകനിധി പ്രസിഡന്റും കേരള സാഹിത്യ അക്കാദമി മുന്‍ സെക്രട്ടറിയുമായ പായിപ്ര രാധാകൃഷ്ണനാണ് പുരസ്‌കാരം വിതരണം ചെയ്തത്. എഫ്.സി.സി എക്‌സിക്യൂട്ടീവ് ഡയറക്ടര്‍ ഹബീബുറഹ്മാന്‍ കിഴിശ്ശേരിയും എക്‌സിക്യൂട്ടീവ്  കമ്മിറ്റി അംഗങ്ങളും ചേര്‍ന്ന് പുരസ്‌കാരം ഏറ്റുവാങ്ങി. എഫ്.സി.സി മലയാണ്‍മയ്ക്ക് നല്‍കിവരുന്ന നിസ്തുല സേവനങ്ങള്‍ പരിഗണിച്ചാണ് അക്ഷയ  അന്തര്‍ ദേശീയ പുരസ്‌കാരത്തിനായി എഫ്.സി.സി യെ തെരഞ്ഞെടുത്തതെന്ന് പായ്പ്ര  രാധാകൃഷ്ണന്‍ പറഞ്ഞു. ഇന്ത്യന്‍ ഇസ്‌ലാമിക് അസോസിയേഷന്‍ പ്രസിഡന്റ് വി.ടി ഫൈസല്‍, എഫ്.സി.സി ഗവേണിങ് ബോഡി ചെയര്‍മാന്‍ പി.പി. അബ്ദുറഹീം സംസാരിച്ചു.