പൂച്ചാക്കല്‍:കൈവരിയില്ലാത്ത പൂച്ചാക്കല്‍ പഴയപാലം അപകട ഭീഷണി ഉയര്‍ത്തുന്നു. ദിനേ ചെറുതും വലുതുമായ നിരവധി വാഹനങ്ങളാണ് കടന്നു പോകുന്നത്.
വേമ്പനാട്ടു കായലിനെയും കൈതപ്പുഴ കായലിനെയും ബന്ധിപ്പിക്കുന്ന തോടിന് കുറുകെയുള്ള പാലമാണ് കൈവരി തകര്‍ന്ന് കിടക്കുന്നത്. മുമ്പ് നിരവധി അപകടങ്ങള്‍ ഇവിടെ സംഭവിച്ചിരുന്നു. മാര്‍ക്കറ്റില്‍ വന്ന ഒരു വീട്ടമ്മ പാലത്തില്‍ നിന്നും തോട്ടിലേക്ക് വീണ് പരിക്ക് പറ്റിയിരുന്നു.പാലത്തിന്റെ വശങ്ങള്‍ അറിയാതെ കഴിഞ്ഞ ദിവസം ഒരു കാറ് പാലത്തില്‍ നിന്നും തെന്നി വീണിരുന്നു. പരിസരത്തുണ്ടായിരുന്നവര്‍ പെട്ടെന്ന് കാര്‍ പൊക്കി പാലത്തിലേക്ക് കയറ്റിയതിനാല്‍ ദുരന്തം ഒഴിവാകുകയായിരുന്നു.