കൊല്ലം: ഒരു വിഭാഗം നടത്തുന്ന കേരള പുലയര്‍ മഹാസഭ സംസ്ഥാന സമ്മേളനത്തിന്റെ ഭാഗമായി നഗരത്തില്‍ സ്ഥാപിച്ചിരുന്ന കൊടിതോരണങ്ങളും ഫ്‌ളക്‌സ് ബോര്‍ഡുകളും മറ്റൊരു വിഭാഗം തകര്‍ത്തത് സംഘര്‍ഷാവസ്ഥ സൃഷ്ടിച്ചു. ഇന്നലെ ഉച്ചക്ക് 12നായിരുന്നു സംഭവം.
സമ്മേളനത്തിന്റെ ഭാഗമായി സമ്മേളന നഗരിയിലും ചിന്നക്കട മേല്‍ പാലത്തിലും സ്ഥാപിച്ചിരുന്ന കൊടിതോരണങ്ങളും ഫ്‌ളക്‌സ്‌ബോര്‍ഡുകളുമാണ് ഇവര്‍ നശിപ്പിച്ചത്. പൊലിസ് നോക്കിനില്‍ക്കെയായിരുന്നു അക്രമം. സംഘര്‍ഷ സാധ്യത കണക്കിലെടുത്തു ഈസ്റ്റ് സി.ഐ യുടെ നേതൃത്വത്തിലുള്ള പൊലിസ് സംഘം സ്ഥലത്ത് ക്യാംപ് ചെയുന്നുണ്ട്.