അങ്കമാലി: തുറവൂര്‍ പഞ്ചായത്തിലെ യു.ഡി.എഫ് പാര്‍ലമെന്റ് പാര്‍ട്ടി യോഗത്തില്‍ തമ്മിലടി. പാര്‍ലമെന്റ് പാര്‍ട്ടി ലീഡര്‍ യോഗത്തില്‍ നിന്ന് ഓടി രക്ഷപ്പെട്ടു.
സംഭവത്തില്‍ പ്രതിഷേധിച്ച് മണ്ഡലം പ്രസിഡന്റ് യോഗം ബഹ്ഷികരിച്ച് ഇറങ്ങി പോയി. തുറവുര്‍ ഗ്രാമപഞ്ചായത്തിലെ അഴിമതിയും വികസന മുരടിപ്പും ജനങ്ങളിലെത്തിക്കുവാന്‍ നടത്തേണ്ട പ്രചരണങ്ങളെ കുറിച്ച് ആലോചിക്കുന്നതിനും വേണ്ടിയാണ് അങ്കമാലി സി.എസ്.എ ഹാളില്‍ പാര്‍ലമെന്റ് യോഗം കൂടിയത് .യോഗം തുടങ്ങി ഉടന്‍ തന്നെ തര്‍ക്കം ആരംഭിച്ചു.
പാര്‍ലമെന്റ് പാര്‍ട്ടി ലീഡര്‍ ടി.ടി പാലോസും പഞ്ചായത്ത് അംഗമായ കെ വി സന്തോഷ് പണിക്കരും തമ്മിലായിരുന്നു പ്രധാനമായും തര്‍ക്കം നടന്നത്.