വെങ്ങപ്പള്ളി: ശംസുല്‍ ഉലമാ ഇസ്്‌ലാമിക് അക്കാദമിയുടെ ആഭിമുഖ്യത്തില്‍ മെയ് 20 മുതല്‍ ജൂലൈ 10 വരെ ആചരിക്കുന്ന റംസാന്‍ ക്യാംപയിന്റെ ഭാഗമായി 14 മേഖലാ തലങ്ങളിലും സംഘടിപ്പിക്കുന്ന കണ്‍വന്‍ഷന്റെ ജില്ലാ തല ഉദ്ഘാടനം ഇന്ന് രാവിലെ 10.30ന് ബീനാച്ചി മദ്‌റസയില്‍ നടക്കും. സമസ്ത ജില്ലാ സെക്രട്ടറി എസ് മുഹമ്മദ് ദാരിമി ഉദ്ഘാടനം ചെയ്യും. മീനങ്ങാടി റെയ്ഞ്ച് പരിധിയിലെ മഹല്ല്, മദ്‌റസാ ഭാരവാഹികള്‍, ഖത്തീബുമാര്‍, മുഅല്ലിംകള്‍, സമസ്തയുടെയും പോഷക ഘടകങ്ങളുടെയും മേഖലാ ഭാരവാഹികള്‍ സംബന്ധിക്കും. സമസ്തയുടെ പ്രസിഡന്റായിരുന്ന ആനക്കര സി കോയക്കുട്ടി മുസ്്‌ലിയാരുടെ അനുസ്മരണവും പ്രാര്‍ഥനയും കണ്‍വെന്‍ഷനില്‍ നടക്കും. അക്കാദമി സെക്രട്ടറി ഇബ്‌റാഹീം ഫൈസി പേരാല്‍, ഹാരിസ് ബാഖവി പങ്കെടുക്കും. ശിഹാബുദ്ദീന്‍ തങ്ങള്‍ വാഫി പ്രാര്‍ഥനക്ക് നേതൃത്വം നല്‍കും.