കാഠ്മണ്ഡു: പുതിയ 500,2000 രൂപയുടെ ഇന്ത്യന്‍ നോട്ടുകള്‍ നേപ്പാളില്‍ നിരോധിച്ചു. ഇന്ത്യന്‍ റിസര്‍വ് ബാങ്ക് പുറത്തിറക്കിയ പുതിയ നോട്ടുകള്‍ അനൗദ്യോഗികവും നിയമ വിരുദ്ധമാണെന്നാണ് നേപ്പാള്‍ രാഷ്ട്ര ബാങ്ക് നോട്ട് നിരോധിക്കാനുള്ള കാരണമായി വിശദീകരിച്ചത്.

നോട്ടുകള്‍ മാറ്റിയെടുക്കുന്നതില്‍ നേപ്പാള്‍ പൗരന്മാര്‍ക്ക് വന്‍ ബുദ്ധിമുട്ട് അനുഭവപ്പെടുന്ന പശ്ചാത്തലത്തിലാണ് പുതിയ നോട്ടുകള്‍ക്ക് വിലക്കേര്‍പ്പെടുത്തിയത്. ഇന്ത്യയുടെ ഭാഗത്തുനിന്ന് പുതിയ സംവിധാനങ്ങള്‍ ഏര്‍പ്പെടുത്തിയാല്‍ മാത്രമേ പുതിയ നോട്ടുകള്‍ സാധുവായി പരിഗ്ണിക്കുകയുള്ളുവെന്ന് നേപ്പാള്‍ രാഷ്ട്ര ബാങ്ക് മേധാവി രാമു പൗഡല്‍ അറിയിച്ചു.