ടെഹ്‌റാന്‍: ഇറാനില്‍ ട്രെയിനുകള്‍ കൂട്ടിയിടിച്ചുണ്ടായ അപകടത്തില്‍ 44 പേര്‍ മരിച്ചു. നിരവധി പേര്‍ക്ക് പരുക്കേറ്റിട്ടുണ്ട്. മാഷ്ഹാദിനും തെഹറാനിനും ഇടയില്‍ സെംനാന്‍ പ്രവശ്യയിലാണ് അപകടമുണ്ടായത്. പ്രാദേശിക സമയം രാവിലെ 7.50 ഓടെയാണ് അപകടമുണ്ടായത്. ഏകദേശം 82 പേരെ ആശുപത്രിയില്‍ പ്രവേശിപ്പിച്ചിട്ടുണ്ട്.  

സ്റ്റേഷനില്‍ നിര്‍ത്തിയിട്ടിരിക്കുന്ന ട്രെയിനില്‍ മറ്റൊരു ട്രെയിന്‍ വന്നിടിക്കുകയായിരുന്നു. ഇടിയുടെ ആഘാതത്തില്‍ ഇരു ട്രെയിനുകളുടെ കോച്ചുകള്‍ക്കും തീപിടിച്ചു. ഒരു ട്രെയിനിന്റെ നാല് കോച്ചുകള്‍ പൂര്‍ണമായും അഗ്നിക്കിരയായി. അപകടത്തെ പറ്റി സര്‍ക്കാര്‍ അന്വേഷണം ആരംഭിച്ചിട്ടുണ്ട്.