തെന്‍മല: റയില്‍വേ സ്റ്റേഷന്റെ പടിഞ്ഞാറ് റയില്‍വേ ട്രാക്ക് ഇടുന്ന ഭാഗത്ത് ഭൂമി പിളര്‍ന്നതിനെത്തുടര്‍ന്ന് അപകട സാധ്യതയുള്ളതിനാല്‍ ഇവിടെ താമസിക്കുന്ന കുടുംബങ്ങള്‍ തെന്‍മല ഗ്രാമപഞ്ചായത്ത് ഓഫിസിന് സമീപത്തെ ഗവണ്‍മെന്റ് എല്‍.പി സ്‌കൂളിലെ താല്‍കാലിക ക്യാംപിലേക്ക് മാറണമെന്ന് പുനലൂര്‍ തഹസീല്‍ദാര്‍ അറിയിച്ചു. കഴിഞ്ഞ ദിവസം മഴ പെയ്തതിനെത്തുടര്‍ന്ന് ഭൂമി പിളരുകയായിരുന്നു. ജില്ലാ കലക്ടറുടെ നിര്‍ദേശപ്രകാരമാണ് ക്യാംപ് തുറന്നത്.