ഒഹിയോ: യു.എസിലെ ഏറ്റവും വലിയ കലാലയങ്ങളിലൊന്നായ ഒഹിയോ സര്‍വകലാശാലയിലുണ്ടായ വെടിവയ്പില്‍ എട്ടു വിദ്യാര്‍ഥിക്ക് പരുക്കേറ്റു. ഒരാളുടെ നില ഗുരുതരമാണെന്ന് അഗ്്‌നിശമന സേന അറിയിച്ചു.
ഇവരെ ആശുപത്രിയില്‍ പ്രവേശിപ്പിച്ചു. ഇന്ത്യന്‍ സമയം ഇന്നലെ രാത്രി ഒന്‍പതോടെയാണ് സംഭവം. വിദ്യാര്‍ഥികള്‍ സുരക്ഷിത സ്ഥാനത്തേക്ക് മാറണമെന്ന് അധികൃതര്‍ നിര്‍ദേശം നല്‍കി. കൊളംബസിലാണ് യൂനിവേഴ്‌സിറ്റി സ്ഥിതിചെയ്യുന്നത്. 65,000 വിദ്യാര്‍ഥികളാണ് ഇവിടെ പഠിക്കുന്നത്. അക്രമി നിരവധി തവണ വെടിയുതിര്‍ത്തുവെന്നാണ് റിപ്പോര്‍ട്ട്. ലൈന്‍ അവന്യു പാര്‍ക്കിങ് ഗാരേജിലായിരുന്നു അക്രമി. മെറ്റീരിയല്‍ സയന്‍സ് എന്‍ജിനിയറിങ് കെട്ടിടത്തിലാണിത്. ഇവിടെ പൊലിസും എഫ്.ബി.ഐയും വളയുകയായിരുന്നു. ബോംബ് സ്‌ക്വാഡും അഗ്നിശമനസേനയും രംഗത്തുണ്ടെന്ന് യൂനിവേഴ്‌സിറ്റിയിലെ പത്രം പറയുന്നു.