കുന്ദമംഗലം: ചാത്തമംഗലം എം.ഇ.എസ് കോളജ് എം.ഇ.എസ് യൂത്ത് വിങ് കമ്മിറ്റി കോളജിലെ വിദ്യാര്‍ഥികള്‍ക്കായി സംഘടിപ്പിച്ച ഒന്നാമത് ഡോ. ഗഫൂര്‍ മെമ്മോറിയല്‍ ട്രോഫിക്കു വേണ്ടിയുള്ള എം.എസ്.എല്‍ സീസണ്‍ ഒന്ന് തുടങ്ങി.
എം.ഇ.എസ് ജില്ലാ പ്രസിഡന്റ് സി.ടി സക്കീര്‍ ഹുസൈന്‍ പതാക ഉയര്‍ത്തി. എം.എസ്.എല്‍ ഒഫിഷ്യല്‍ ലോഗോ എന്‍.കെ അബൂബക്കര്‍ മാസ്റ്റര്‍ പ്രകാശനം ചെയ്തു. മുന്‍ സന്തോഷ് ട്രോഫി താരം ടൈറ്റാനിയം ഹമീദ് മേളയുടെ കിക്കോഫ് നിര്‍വഹിച്ചു. ഷാഫി പുല്‍പ്പാറ അധ്യക്ഷനായി. പ്രൊഫ. ഇ. അബ്ദുറസാഖ് പ്രസംഗിച്ചു. ഷിബിന്‍ കെ, ഹാമി റോഷന്‍, സാബിക്, നിയാസ്, ഷംനാദ് എന്നിവര്‍ നേതൃത്വം നല്‍കി. അജാസ് പിലാശ്ശേരി സ്വാഗതവും ഹാഷിം പുതിയോട്ടില്‍ നന്ദിയും പറഞ്ഞു.