നടവയല്‍: പനമരം-നെല്ലിയമ്പം-നടവയല്‍ റോഡിലെ മാത്തൂര്‍ വയലില്‍ മുളങ്കുട്ടങ്ങള്‍ക്കിടയില്‍ നടത്തുന്ന മാലിന്യനിക്ഷേപം നാട്ടുകാര്‍ക്കും യാത്രക്കാര്‍ക്കും ദുരിതമായി. പ്ലാസ്റ്റിക്കും ഇറച്ചിമാലിന്യങ്ങളുമാണ് സമൂഹിക വിരുദ്ധര്‍ വഴിയരികില്‍ തള്ളുന്നത്.
ചീഞ്ഞളിഞ്ഞ് ഈച്ചയാര്‍ക്കുന്ന മാലിന്യക്കൂനയില്‍നിന്നു അസഹ്യമായ ദുര്‍ഗന്ധമാണ് വമിക്കുന്നത്.
ബൈക്ക് ഉള്‍പ്പെടെ വാഹനങ്ങളില്‍ എത്തിയാണ് മാലിന്യം മുളങ്കൂട്ടങ്ങളിലേക്ക് വലിച്ചെറിയുന്നത്. ഇക്കാര്യം പലവട്ടം ശ്രദ്ധയില്‍പ്പെടുത്തിയിട്ടും പഞ്ചായത്ത് ആരോഗ്യ വകുപ്പ് ജീവനക്കാര്‍ നടപടിയെടുക്കുന്നില്ലെന്ന് നാട്ടുകാര്‍ പറയുന്നു.