ഹാമില്‍ട്ടണ്‍: രണ്ടാം ടെസ്റ്റില്‍ പാകിസ്താനെ 138 റണ്‍സിനു തകര്‍ത്ത് ന്യൂസിലന്‍ഡ് പരമ്പര തൂത്തുവാരി. 369 റണ്‍സ് വിജയ ലക്ഷ്യവുമായി അവസാന ദിനം ഇറങ്ങിയ പാകിസ്താന്‍ ഒരു ഘട്ടത്തില്‍ മത്സരം സമനിലയില്‍ എത്തിക്കുമെന്നു തോന്നിപ്പിച്ചിടത്തു നിന്ന് അപ്രതീക്ഷിത തോല്‍വി ഏറ്റുവാങ്ങുകയായിരുന്നു. ഒരു വിക്കറ്റ് നഷ്ടത്തില്‍ 158 എന്ന നിലയില്‍ നിന്നു അവര്‍ 230നു ഓള്‍ഔട്ടായി. സ്‌കോര്‍: ന്യൂസിലന്‍ഡ് 271, അഞ്ചിനു 313 ഡിക്ല. പാകിസ്താന്‍ 216, 230.