ന്യൂഡല്‍ഹി: ഉത്തരേന്ത്യയില്‍ ശൈത്യം രൂക്ഷമാകുന്നു. കനത്ത മൂടല്‍മഞ്ഞു മൂലം ശ്രീനഗര്‍ അന്താരാഷ്ട്ര വിമാനത്താവളം 10 ദിവസത്തേക്ക് അടച്ചിട്ടു. റോഡ്- ട്രെയിന്‍ ഗതാഗതത്തെയും മൂടല്‍മഞ്ഞ് സാരമായി ബാധിച്ചിട്ടുണ്ട്. വിമാനം റണ്‍വേയിലിറക്കാന്‍ പ്രയാസപ്പെടുകയാണ്. ഡല്‍ഹി- ലക്‌നൗ വിമാനത്താവളങ്ങളിലെ വിമാന സര്‍വിസുകളെയും മൂടല്‍ മഞ്ഞ് ബാധിച്ചിട്ടുണ്ട്. ഇവിടങ്ങളില്‍ വിമാനങ്ങള്‍ വൈകിയാണ് പറക്കുന്നത്. ഇവിടങ്ങളില്‍ നിന്ന് രാജ്യത്തിന്റെ വിവിധ ഭാഗങ്ങളിലേക്ക് സര്‍വിസ് നടത്തുന്ന വിമാനങ്ങളുടെ സമയക്രമത്തെയും ഇത് ബാധിച്ചിട്ടുണ്ട്. കഴിഞ്ഞയാഴ്ചയാണ് ഉത്തരേന്ത്യന്‍ സംസ്ഥാനങ്ങളില്‍ അതിശൈത്യം ആരംഭിച്ചത്. ഡല്‍ഹിയില്‍ 40 ട്രെയിനുകളാണ് ഇന്ന് വൈകിയോടുന്നത്. വരും ദിവസങ്ങളില്‍ മൂടല്‍മഞ്ഞ് വര്‍ദ്ധിക്കുമെന്നാണ് റിപ്പോര്‍ട്ട്്. കനത്ത മഞ്ഞുവീഴ്ചയും ശൈത്യവും ഉത്തരേന്ത്യന്‍ സംസ്ഥാനങ്ങളിലെ ജനജീവിതം ദുസ്സഹമാക്കിയിട്ടുണ്ട്.