എരുമപ്പെട്ടി: വേലൂര്‍ ഗവ: രാജ സര്‍ രാമവര്‍മ്മ ഹയര്‍ സെക്കന്‍ഡറി സ്‌കൂളില്‍ നടക്കുന്ന കുന്നംകുളം ഉപജില്ലാ കലോത്സവം ആരംഭിച്ചു. ഉപജില്ലാ വിദ്യഭ്യാസ ഓഫീസര്‍ പി.സച്ചിതാനന്ദന്‍ പതാക ഉയര്‍ത്തിയതോടെയാണ് ഡിസമ്പര്‍ മൂന്നാം തിയ്യതി വരെ നടക്കുന്ന കലോത്സവത്തിന് തുടക്കമായത്. തുടര്‍ന്ന് മീഡിയ റൂമിന്റെ ഉദ്ഘാടനം വേലൂര്‍ ഗ്രാമ പഞ്ചായത്ത് പ്രസിഡന്റ് ഷേര്‍ളി ദിലീപ്കുമാര്‍ നിര്‍വ്വഹിച്ചു. വൈസ് പ്രസിഡന്റ് ടി.എം.അബ്ദുള്‍ റഷീദ്  ജില്ലാ പഞ്ചായത്ത് അംഗം കല്യാണി.എസ്.നായര്‍, പഞ്ചായത്ത് സ്റ്റാന്‍ഡിങ് കമ്മറ്റി ചെയര്‍പേഴ്‌സണ്‍ ശുഭ അനില്‍കുമാര്‍, ചെയര്‍മാന്‍ ടി.ആര്‍.ഷോബി, അംഗങ്ങളായ ടി.കെ.ശ്യാംകുമാര്‍, ഷീബ ഗോപിനാഥ്, എല്‍സി ഔസേഫ്, പ്രിന്‍സിപ്പാള്‍  സി.എസ്.രാധാകൃഷണന്‍ , പ്രധാന അധ്യാപിക വി.എന്‍.ലളിത ,പി ടി എ പ്രസി ഡ ന്റ് ജോണ്‍ ജോഫി തുടങ്ങിയവര്‍ പങ്കെടുത്തു.
ഇന്നലെ രചനാ മത്സരങ്ങളും ആലാന മത്സരങ്ങളുമാണ് പ്രധനമായും നടന്നത്. കലോത്സവത്തിന്റെ ഔപചാരിക ഉദ്ഘാടനം ഇന്ന് രാവിലെ പത്തിന് വ്യവസായ കായിക വകുപ്പ് മന്ത്രി എ.സി. മൊയ്തീന്‍ നിര്‍വ്വഹിക്കും. എട്ട് വേദികളിലായി നടക്കുന്ന മത്സരങ്ങളില്‍ 3500ല്‍ പരം വിദ്യാര്‍ഥികള്‍ പങ്കെടുക്കും.