പുതിയങ്ങാടി: ചേവായൂര്‍ ഉപജില്ലാ സ്‌കൂള്‍ കലോത്സവം ഇന്നു സമാപിക്കും. അത്താണിക്കല്‍ ഗാര്‍ഡിയന്‍സ് ഇ.എം.യു.പി സ്‌കൂളില്‍ കോര്‍പറേഷന്‍ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ എം. രാധാകൃഷ്ണന്‍ കലോത്സവം ഉദ്ഘാടനം ചെയ്തു. ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.വി ബാബുരാജ് അധ്യക്ഷനായി.
ടെലിവിഷന്‍ താരം അഞ്ജു ശശി മുഖ്യാതിഥിയായി. ഗാനരചയിതാവ് രമേഷ് കാവില്‍ മുഖ്യപ്രഭാഷണം നടത്തി. ചേവായൂര്‍ ഉപജില്ലാ എ.ഇ.ഒ റജിന കെ പതാക ഉയര്‍ത്തി. ചടങ്ങില്‍ മിഥുന്‍ എസ്. നായരെ അനുമോദിച്ചു. തലക്കുളത്തൂര്‍ പഞ്ചായത്ത് പ്രസിഡന്റ് സി. പ്രകാശന്‍, കക്കോടി പഞ്ചായത്ത് പ്രസിഡന്റ് എം. രാജേന്ദ്രന്‍, കൗണ്‍സിലര്‍മാരായ കെ.കെ റഫീക്ക്, എം. ശ്രീജ, ബീനരാജന്‍, ടി. രജിത്ത് രാജ്, ടി.കെ അബ്ദുല്‍ അസീസ്, അബ്ദുല്‍ കബീര്‍, പി.ടി ഷാജി, ഓംകാരനാഥന്‍, യമുന, കെ. സുനിത, കെ.സി അബ്ദുല്‍ സലാം, മാസ്റ്റര്‍ വിഷ്ണു ബാബുരാജ്, ഐ.കെ ജയരത്‌നം, വസന്ത സംസാരിച്ചു.
29നു തുടങ്ങിയ പരിപാടി ഇന്നു സമാപിക്കും. 200ഓളം ഇനങ്ങളില്‍ ഉപജില്ലയിലെ വിവിധ സ്‌കൂളുകളില്‍ നിന്നായി 4,000ത്തോളം വിദ്യാര്‍ഥികളാണു മേളയില്‍ മാറ്റുരയ്ക്കുന്നത്.